VII Travesía Memorial Fran Otero

Un ano máis AGAELA en colaboración co Clube Natación Liceo organiza a VII travesía solidaria a prol dos afectados de ELA - Memorial Fran Otero. Todos os que se queiran mollar pola ELA o vindeiro domingo 7 de xaneiro de 2018, poderán facelo en calquera dos dous percorridos que ten preparados a organización: 400 metros (con ou sen neopreno) e 1.000 metros (con neopreno). A proba dará comezo ás 11:00 da mañá nas instalacións do Real Clube Náutico da Coruña (dique Barrié). A inscrición ten un custo de 6 € e a organización ofrecerá chocolate quente e barriñas enerxéticas, bo ambiente e sorterá entre todos os que se mollen nas xélidas augas do mar da Coruña un neopreno cedido por Decathlon. As inscricións pódense realizar a través de este enlace na Páxina de ChampionChip Norte ata o 5 de xaneiro de 2018. Máis información sobre o evento aquí: http://agaela.es/vii-travesia-memorial-fran-otero/